Il dossier electronic dal pazient DEP

Infurmaziuns davart la sanadad, disponiblas online

En il dossier electronic dal pazient (DEP) administreschan Vossas pazientas e Voss pazients lur infurmaziuns davart la sanadad e partan quellas cun Vus.

Il DEP è ina collecziun da documents persunals cun infurmaziuns davart la sanadad da Vossas pazientas e da Voss pazients. Ellas ed els decidan tgi che po consultar tge documents e cura. Sur ina colliaziun d'internet segira èn accessiblas da tut temp las infurmaziuns arcunadas en il DEP: per Vossas pazientas e Voss pazients e per Vus, premess che Vus hajas survegnì il dretg d'access sco persuna spezialisada.

Link intern: En furma concisa

Bild Video Gesundheitsfachpersonen

Avantatgs

Cun il DEP disponis Vus d'infurmaziuns relevantas per il tractament. El augmenta la segirezza d'ina diagnosa e terapia e reducescha la ristga da decisiuns sbagliadas.

Funcziuns

Sche Vossas pazientas e Voss pazients han dà a Vus il dretg d'access, pudais Vus consultar ils documents relevants per il tractament ch'èn arcunads en il DEP u deponer tals documents en il dossier.

Segirezza

La protecziun e la segirezza da las datas èn elements centrals per il DEP. Tut ils purschiders dal DEP vegnan examinads a moda cumplessiva, certifitgads e controllads regularmain. Ils documents vegnan arcunads en in lieu segir en Svizra.

As participai uss al DEP.

Co sa collian las persunas spezialisadas dal sectur da sanadad?

Per pudair As participar al DEP, stuais Vus tscherner in purschider dal DEP e percurrer sia procedura d'annunzia.Link extern: